"Адам құқығы, бала құқығын қорғаудан басталады"

Автор: teacher от 10-12-2019, 11:48, посмотрело: 29

    08.11.2019ж., күні Бала құқығы туралы Конвенция дүниежүзілік сабақты насихаттау мақсатында 5 "А" және 5 "Б" класында біріккен "Адам құқығы, бала құқығын қорғаудан басталады" тақырыбымен класс сағаты болып өтті. Класс сағатының мақсаты: Бала құқығы туралы Конвенцияны түсіндіру, заң саласынан мағлұмат бере отырып, өз құқықтары мен міндеттерін білуге, өмірде қолданауға үйрету, құқықтық білімдерін толықтыру. Шараға мектеп инспекторы Г.Г. Иманалина қатысып, білім алушыларға заң аясында мағлұмат беріп, сұрақтарға жауап берді. Бала құқықтары туралы Конвенцияны 1989 жылы 20 қарашада БҰҰ бекітті. Биыл 30 жыл. Осы Конвенция негізінде 2002 ж тамыз айында Қазақстанда "Балалар құқығы туралы" Заң қабылданды.

Категория: Родителям

 

"Жасөспірімдер арасында құқық бұзушылықтың және жыныстық қол сұғушылықтың алдын алу"

Автор: teacher от 10-12-2019, 08:38, посмотрело: 77

     Бүгінгі таңда қоғамның алдында тұрған басты міндеттердің бірі - балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу және балаларға қатысты жыныстық қол сұғушылық қылмыстардан оларды тиімді түрде қорғау. Осы мақсатта бүгін мектебімізге Астана ауданы прокуротурасы бөлімінің аға прокуроры Аманғұлова - Нұрадинова Айнұр Жетпісбайқызы 5-7 сынып білім алушыларына "Жасөспірімдер арасында құқық бұзушылықтың және жыныстық қол сұғушылықтың алдын алу" тақырыбында дәріс өткізді. Дәріс барысында білім алушыларымыз өз құқықтарымен танысып, сақтық ережелерін тағы бір мәрте пысықтап талқылады.

Категория: ---

 

"Сыбайлас жемқорлыққа жол жоқ"

Автор: teacher от 10-12-2019, 08:33, посмотрело: 25

    Бүгін 6 қараша күні "Адал ұрпақ" еріктілер клубының жетекшісі мен мектеп инспекторымен бірлесе отырып, ұйымдастыруымен 9-11 кластарында "Сыбайлас жемқорлыққа жол жоқ" атты акция өткізілді. Шараның басты мақсаты: жас ұрпағымыздың бойында адалдық, парасаттылық, әділдік, сенім құндылықтарын сіңіруге және сыбайлас жемқорлыққа қарсы мәдениетін қалыптастыру.

Категория: ---

 

"Әйелдерге қатысты зорлық зомбылықсыз 16күн"

Автор: teacher от 9-12-2019, 15:25, посмотрело: 15

     Ақтөбе облысы білім басқармасының 2019 жылдың 21 қараша күнгі N2-6212 хатына сәйкес, әйелдерге қатысты кемісітушіліктің барлық нысандарын жою туралы Конфенцияның ережесін басшылыққа ала отырып, жыл сайын 25 қараша мен 10 желтоқсан аралығында Халықаралық "Әйелдерге қатысты зорлық зомбылықсыз 16күн" акциясы аясында мектебімізде "Сырғалым" қыздар клубының жетекшісі Мурзагулова Айымгүл отырыс өткізді .Отырыс "Салауатты салтымыз " тақырыбында өрбіді. Адам адамға қарап, ағаш ағашқа қарай өседі деп білген қазақ халқы: қызым жақсы болсын десең, қылықтылармен ауыл бол - дейтін халық даналығын берік ұстанып, қыз балаларды ес біліп, етек жая бастаған кезде - ақ өнерлі, текті, тәрбиелі адамгершілігі жоғары болсын деп тәрбиелейді.

Сол мақсатпен мектеп ішіндегі қыздар тәрбиесін 3 бағытқа бөлдік: 

✅жан сұлулық

✅гигиеналық, тазалық

✅қамқоршылық

      Мектеп ішінде қыз балалардың мінез-құлқын тәрбиелеу бойынша жұмыс оларды нәзіктікке баулу, отбасындағы алатын орны, ептілік пен шеберлік қалыптастыру, сондай-ақ қыздардың сұлулық,әсемдік, жақсы қарым-қатынас сияқты ұғымдармен таныстыруға бағытталған. Тек қана рухани тұрғыдан емес қыздарымызды таза, әсем, жарасымды киім киіп, өздерін күтуге, шаш өруге, үйрету ескеріледі.

     Гигиеналық жағынан қыз балаларға жыныстық жетілу кезеңінде өздерінде болып жатқан физиологиялық және психоэмоционалдық өзгерістерді түсіндіріп, жеткізе білу. Бұл жұмыс  қыз балаларға қамқорлық, ниет білдіру, жан жылулығын сезіндіру. Сонымен бірге өз құқықтарын біліп, өздерін қорғауға және мектеп оқушыларының, яғни өз міндеттерін дұрыс орындауға тәрбиелейміз. Міне осы мақсатта бүгінгі 8-9 класс қыз балалары арасында отырыс өтті. 



Категория: ---

 

"Әйелдерге қатысты зорлық зомбылықсыз 16күн"

Автор: teacher от 9-12-2019, 15:18, посмотрело: 10

Ақтөбе облысы білім басқармасының 2019 жылдың 21 қараша күнгі N2-6212 хатына сәйкес, әйелдерге қатысты кемісітушіліктің барлық нысандарын жою туралы Конфенцияның ережесін басшылыққа ала отырып, жыл сайын 25 қараша мен 10 желтоқсан аралығында Халықаралық "Әйелдерге қатысты зорлық зомбылықсыз 16күн" акциясы аясында мектебімізде "Асыл ана" клубының жетекшісі Сейтенова Мейрамгүл Марқабайқызының  ұйымдастыруымен, "Әйел-ана, әйел-батыр" атты аналар мен білім алушы қыздардың қатысуымен дөңгелек үстел өткізілді. Дөңгелек үстел келген қонақтармен  танысудан басталды. Әр ана өзін-өзі таныстырды. Кейін бейнетаспа көрсетілді. Әйел-ананың тәрбиесі жайлы ойлар айтылды, аналарымыз бастарынан кешкен қызықты оқиғаларын ортаға салды. Келген қонақтар қызықты сұрақтарға жауап беріп, ой талқыласты. Әсем ән дөңгелек үстелдің шырайын одан әрі аша түсті. Аналар өз ризашылықтарын білдірді. Отырыс соңында мектібіміздің кәсіподақ ұйымы келген аналарымыздың иығына орамал жауып, Ана-деген теңдесі жоқ ұлылыққа бас иіп мектеп әкімшілігі атынан алғыс айтып, әр кез мектеппен байланыстарын үзбей бала тәрбиесі жолында бірге жұмыс жасауға ниет білдірді.

Категория: ---

 
Назад Вперед